Best Destination Wedding Places Near Delhi

Wedding season chal raha hai, jis ghar mein shaadi hai wahan toh mahino pehle se preparations shuru ho jati hai, chahe woh designer dresses ho ya luxury banquet. Lekin aajkal destination weddings ka kaafi fashion hai aur log aisi weddings ko kaafi pasand bhi kar rahe hai.

Toh aaiye jante hai destination wedding locations near Delhi.

  • Westin Sohna Spa Resort
  • Neemrana Fort
  • Agra
  • Jaipur
  • Udaipur
  • Jodhpur

Westin Sohna Spa Resort

 Delhi se kuch ho duri par hai sohna road aur yahin par hai The Westin Sohna Spa resort. Kareeb 37 acres mein phaila hua yeh resort destination wedding ke best resorts mein se ek hai aur isiliye yeh list mein number one hai.

Best Time — As per the weather

Neemrana Fort

Destination wedding places ki list mein dusra naam hai Neemrana fort ka. Delhi se sirf 100 kilometers distance pe yeh shandar Fort best destination wedding location on a budget bhi hai. Neemrana fort bahot khubsurat wedding destination place hai, yeh fort ek hill pe bana hua hai aur kaafi sundar bhi hai. Yahan alag alag theme ke rooms hai toh aap guests ke liye pasand kar sakte hai.

Best Time — August se lekar March ya April tak bhi yahan aap wedding plan kar sakte hai.

Agra

Express way ban ne ke baad, Delhi se Agra ki doori ab aur bhi kam reh gai hai isiliye yeh ek cheap and budgeted wedding destination near Delhi hai. Yahan aapko kaafi variety of hotels and resorts mil jayenge, jahan aap apni destination wedding plan kar sakte hai.

Best Time — Delhi aur Agra ke mausam mein koi fark nahi hai toh mausam ko dekhte huye aap apni wedding plan kar sakte hai.

Jaipur

Kisi bhi long weekend mein sabse zyada popular places mein se ek hai Jaipur. Jab bhi hum koi royal wedding dekhte hai toh sapno mein kho jate hai aur yahi sochte hai ki humari shaadi bhi kisi royal wedding ki tarah hi ho aur iss sapne ko pura karne ke liye Jaipur ek bahot hi popular and top wedding destination location hai. Yahan ke khubsurat palaces kisi ka bhi dil jeet lenge, inme se ek hai Jai Mahal Palace jo ki sabse zyada popular hai weddings ke liye. Agar aap ek fairytale wedding ki iccha rakhte hai toh Jai Mahal palace ek best destination wedding place hai.

Best Time — Winters yani sardiyon se behtar koi time nahi hoga Jaipur mein wedding plan karne ke liye.

Udaipur

Ab baat karte hai “jheelon ke sheher” Udaipur ki jise “Venice of the east” bhi kaha jata hai. Yeh sheher apni shahi virasat aur sanskriti ke liye kaafi mashoor hai. Ek pure royal wedding ke liye Udaipur ek best place hai. Yahan sabse mashoor jheel hai Pichola aur iss jheel ke ass paas aapko kaafi acche hotels bhi mil jayenge wedding ke liye. Popular places ki agar baat kare toh Leela Palace aur Taj hotel kaafi famous hai aur inke alawa Oberoi hotel bhi logo ka pasandida hai. Jagmandir jo ki jheel ke beech mein hi bana hai, kaafi attractive place hai. Famous actress Raveena Tandon ke shaadi bhi yahi hui thi. Ab aapki shaadi ki pictures ke background mein ek khoobsurat jheel aur palaces ho toh photos mein char chand lag jayenge.

Best Time — Vaise toh yahan bhi sardiyon mein wedding plan karni chahiye lekin aap yahan August aur September mein bhi plan kar sakte hai jab yahan tourist season shuru nahi hota. October se yahan tourist aana shuru ho jate hai and har hotel busy ho jata hai.

Jodhpur

Ret ki rajdhani yani dessert capital Jodhpur bhi ab logo ki wedding destination list mein shamil ho chuka hai. Delhi se thodi duri par zaroor hai lekin top destination wedding places mein se ek ban gaya hai. Khaskar jab Bollywood Diva Priyanka Chopra ne isse chuna apni royal wedding ke liye. Shahi shaan ko represent karta yeh sheher kisi bhi shaadi ko khubsurat bana dega. Umaid Bhavan Palace jahan Priyanka ne Nick se shaadi ki, best choice hai aur utni hi expensive bhi lekin aap apne budget ke hisab se aur bhi choices dekh sakte hai Jaise ki Taj Hari Mahal.

Best Time — Jodhpur mein wedding plan karne ka sabse accha time October we start hota hai jab wahan mausam accha rehta hai. Pehle se rates final karna zaroori hai kyuki yeh tourist season bhi hai.

Toh ab aap jaldi se apni pasand ki jagah chun lijiye aur plan kariye apni Destination wedding !

 

प्रातिक्रिया दे

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *